Si te llamas Pepiño creo que no tendrás problema en entender lo anterior. Ya que en tu dirección de correo haces mención a La Mancha, la semana que quieras quedamos a tomar un café en Illescas (Toledo) y te cuento lo que no entiendas.

un abrazo

Mariano

Ale pues eso…

Plano Estratéxico Galego da Sociedade da Información

Ven tamen na páxina dese departamento da Xunta:

Carlos Pedreira

“Se conseguimos desenvolver solucións para os nosos problemas, podemos vendelas en todo o mundo”
[27/11/2006] Máis contratos no lugar de subvencións. Esta é unha das medidas polas que aposta Carlos Pedreira, responsable de Tecnoloxías da Información e das Comunicacións (TIC) da Cidade da Cultura, para potenciar á industria TIC do país. Este enxeñeiro de telecomunicacións cre que as administracións deben confiar nos profesionais galegos, para así evitar a “sangría” da fuga de cerebros. “Triunfa localmente e vende globalmente” é a súa receita para o éxito empresarial. Igalia, Imaxin e Lambastream son, na súa opinión, exemplos que demostran que tamén é posible innovar en Galicia e competir globalmente.

Que necesitan ás empresas de telecomunicacións galegas da administración para asegurar o seu futuro?

Eu, sobre este asunto, penso diferente ca algúns industriais. As empresas necesitan contratos, e que os que compran, neste caso a administración, teñan confianza nas empresas do país. Para un empresario é moito máis aproveitable un contrato, que lle obriga a ter un produto de calidade, que unha subvención. Unha subvención é algo temporal que non permite consolidar unha compañía. Resumindo, as empresas de Galiza necesitan que lles axuden no momento de desenvolvemento dos produtos, pero tamén despois que as apoien con contratos, evidentemente dentro dun marco de competencia. Hai que ter confianza nas empresas do país. Hai algúns casos históricos nos que se fixo así. Por exemplo, no despregamento da rede de cobertura de televisión analóxica. Iso foi un exemplo que despois se copiou noutras partes do estado e de Europa.

Pode pasar algo parecido coa Televisión Dixital Terrestre, a TDT?

As firmas galegas -Egatel, Televés e Itelesis- xa teñen produtos para acadar este despregue. Espero que sigan participando cunha porcentaxe relevante na expansión desta tecnoloxía. O que deberíamos facer é tratar de espallar a fórmula da televisión a outras tecnoloxías, como o despregamento da banda ancha sen fíos.

Falando da extensión da banda ancha, ultimamente hai moitas noticias sobre a aplicación do WIMAX neste campo. É realmente esta tecnoloxía a solución definitiva para achegar a rede ao rural?

Digamos que a mellor opción é a fibra óptica. Despois están as solucións vía radio, que están evolucionando de seguido. Primeiro estaba o LMDS, pero era pechado e caro. Agora está o WIMAX que é un estándar aberto. Mais realmente é unha solución a curto prazo, non é a tecnoloxía definitiva. O que parece que non é apropiado son as tecnoloxías de satélite, que estaban previstas para algunhas zonas illadas e teñen limitado o seu crecemento futuro. O camiño é despregar rapidamente e dunha vez o WIMAX, porque xa levamos un ano de demora no despregamento segundo o plano do Ministerio, e continuar achegando o cable ás poboacións, de xeito que o final teñamos moitos bucles de abonado en fibra e poucos en radio, que serán da tecnoloxía que estea vixente nese intre.

Un dos problemas fundamentais que sinala o documento de achegas dos expertos do PEGSI, no que vostede colaborou, é a fuga de cerebros. Ata que punto é grave e que medidas se poden tomar?

Esta é unha das principais lacras do país; que marche xente con boa formación técnica é probablemente a maior sangría que pode sufrir Galicia. Nós temos moi bos profesionais e nivel de salarios competitivo e sen embargo non retemos a unha parte importante dos titulados no sector das TIC. Pero creo que a cantidade de xente que marcha fóra agora é un pouco menos, porque o mercado español das telecomunicacións enfriou un pouco, cando foi a explosión dos operadores de telecomunicacións todo o mundo marchaba para Madrid e, menos, para Barcelona. Tamén é certo que isto, que é unha desgracia, pódese converter nunha oportunidade para o futuro, porque moita desta xente que marchou quere voltar. Se conseguimos crear un clima de creación de emprego, habería moitos dispostos a volver e que traerían moita experiencia de fóra.

Que necesita Galiza para ser quen de facer retornar a estos profesionais xente?

É complicado. Habería primeiro que crear un clima industrial que permita o retorno. Hai que empezar a mover o capital. A miña experiencia dime que todo o que queiramos facer, podémolo conseguir porque o capital humano é especialmente importante neste sector.

Non é un soño que poidamos desenvolver unha industria TIC propia?

Non, eu estou vendo que hai iniciativas novas interesantes. Por exemplo, Igalia, unha cooperativa de enxeñeiros que traballan fundamentalmente con software libre e que exportan o 20% da súa facturación. Imaxin e Lambdastream, que foron premiadas na recente Gala das Telecomunicacións, son outras empresas novas que saben desenvolver produtos que se venden fóra.

As empresas galegas indican no PEGSI que o software libre é unha das vías de negocio que pode crecer máis…

O certo é que as comunidades que apostaron polo software libre foron creando un entorno industrial que parece que é máis produtivo que o software propietario. Ademais, a min paréceme moi importante a desmitificación do software. Cos programas libres, o software convértese nun produto industrial máis, que se pode producir facilmente. Hai un aspecto económico importante, si ti queres facer unha aplicación, e tes a túa disposición parte da aplicación xa dispoñible en software libre, realmente podes reducir moito o tempo de produción. Din os expertos do software que o 95% do código xa está escrito, a clave é poñelo na forma adecuada, coa documentación e nos paquetes correctos. O software libre é vital para que as empresas que non son xigantes poidan sacar os seus produtos ao mercado.

Outros das barreiras identificadas polo PEGSI é que as empresas galegas TIC teñen dificultades para exportar. Vostede escribiu algún artigo sobre este asunto. É realista esperar que unha empresa galega poida competir a nivel internacional?

Si, por suposto. Televés é unha empresa internacional que está a competir con éxito. A nivel de produtos TIC non hai case nada que sexa imposible. Temos que darnos conta de que e o mercado é todo o mundo. Hai que ser ambicioso e comercializar novos produtos. É moi importante saber que os problemas que nós temos na casa -por exemplo a extensión da banda ancha, o bilingüismo, etc.- son circunstancias que se repiten en moitísimos sitios do mundo. Daquela, se nós conseguimos desenvolver solucións para os nosos problemas, podemos vender eses produtos en todo o mundo. Eu sempre digo “Triunfa localmente e vende mundialmente”. Se logras facer produtos que se venden aquí, podes vendelos no resto do planeta.

Outra das vías de negocio que as empresas din que van crecer máis é o outsourcing….

Eu creo que nós temos que apostar por segmentos de maior valor engadido. Nunca poderemos competir na produción de liñas de código con China ou India. O que temos que facer é aproveitar os nosos sectores, aplicar as TICS por exemplo, ao sector do automóbil ou da pesca.

Co PEGSI, Galiza conta por primeira vez cun plan de novas tecnoloxías, que pode aportar ao sector das telecomunicacións?

O Plan xa debería estar feito hai anos, é unha pena que cheguemos un pouco tarde. O PEGSI é especialmente importante para nós, que carecemos de moitas industrias que xa están desenvolvidas noutras partes de Europa. Se esto se desenvolve adecuadamente, probablemente nos permitirá dar un pequeno salto e incorporarnos a outras actividades.

Que papel pode xogar a Cidade da Cultura como elemento estruturador da Sociedade da Información en Galiza?

A Cidade vai por en valor o patrimonio artístico e cultural galego e precisamente o PEGSI ten un capítulo centrado nisto. Ademais, a idea é que a Cidade sirva de escaparate, para que a produción cultural galega sexa accesible dende calquera punto do mundo. O papel da Cidade pode ser importante na xeración de contidos en galego.

ADSL Rural de Timofóbica… mais cara, mais lenta, menos flexibel, sen posibilidade de tarefa plana… e subvencionado polo ministerior de Industria e pola Xunta¿¿¿???…